सोमबार, मंसिर १३ २०७८

नयाँ केन्द्रीय सदस्यलाई प्रशिक्षण दिन ओली पक्षको प्रदेशगत भेला



  • नेपालदीप
  • बुधबार, पुष ८ २०७७
6.7K
SHARES

काठमाडौं। नेपाल कम्युनिष्ट पार्टी भित्रको ओली पक्षले नयाँ थपिएका केन्द्रीय सदस्यहरुलाई प्रशिक्षण दिन प्रदेशगत भेलाहरु गर्दैछ।

बुधबार, प्रदेश अनुसार काठमाडौंका विभिन्न स्थानमा छुट्टाछुटै हुन लागेका ती भेलालाई विभिन्न नेताहरुले सम्बोधन गर्ने कार्यक्रम रहेको प्रचार विभाग उप्रमुख सूर्य थापाले जानकारी दिए।

थापाले भने, ‘नयाँ केन्द्रीय सदस्यहरुलाई प्रशिक्षण हो। सातवटै प्रदेशबाट नयाँ केन्द्रीय सदस्य बनेकाहरुलाई प्रशिक्षण हो। आफ्नो आफ्नो अनुकुलतामा प्रशिक्षण छन्। सबै प्रदेशका लागि नेताहरु तोकिनु भएको छ।’

ओली पक्षको मंगलबार बसेको केन्द्रीय कमिटी बैठकले ५५६ जना नयाँ केन्द्रीय सदस्य थप्दै ११९९ जनाको महाधिवेशन आयोजक कमिटी बनाएको थियो।

नयाँ थपिएका ती ५५६ जनालाई नयाँ परिस्थितबारे ओली पक्षले नेताहरु नै खटाएर प्रशिक्षित गर्न लागेको हो। प्रदेशगत भेलामा प्रशिक्षणका लागि निम्नअनुसारका नेताहरु ताेकिएका छन्।

१. सुदूरपश्चिम प्रदेश- लेखराज भट्ट, प्रदीप ज्ञवाली, कर्णबहादुर थापा र डा. विन्दा पाण्डे।

२. कर्णाली प्रदेश- शंकर पाेखरेल, छविलाल विश्वकर्मा, यामलाल कँडेल र सुजिता शाक्य।

३. लुम्बिनी प्रदेश- विष्णुप्रसाद पाैडेल, शंकर पाेखरेल, मणिचन्द्र थापा र गाेमा देवकाेटा।

४. गण्डकी प्रदेश- टाेपबहादुर रायमाझी, पृथ्वी सुब्बा गुरूङ, किरण गुरूङ र सीता पाैडेल।

५. वागमती प्रदेश- ईश्वर पाेखरेल, टाेपबहादुर रायमाझी र पद्मा अर्याल।

६. प्रदेश नं २. – ईश्वर पाेखरेल, रघुवीर महासेठ, सत्यनारायण मण्डल र जुलीकुमारी महताे।

७. प्रदेश नं. १.- सुवासचन्द्र नेम्वाङ, प्रदीप ज्ञवाली, मणिचन्द्र थापा र डा. शिवमाया तुम्वाहाम्फे।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार

ताजा अपडेट