सोमबार, फाल्गुन १७ २०७७

दोस्रोपटक आमा बनिन् करीना कपूर


  • नेपालदीप
  • आइतबार, फाल्गुन ९ २०७७
950
SHARES

मुम्बई। बलिउड अभिनेत्री करीना कपूर खान दोस्रोपटक आमा बनेकी छन् । अभिनेता सैफ अली खान पत्नी करीनाले गए राती छोरो जन्माएकी हुन् ।

करीनालाई मुम्बईस्थित ब्रीच केण्डी अस्पतालमा गए राती नै भर्ना गरिएको थियो । करीना गर्भवती भएको खबर सार्वजनिक हुनासाथ उनले कहिले दोस्रो सन्तान भन्ने उनका फ्यानमा व्यग्र प्रतिक्षा थियो ।

चिकित्सकसँग नियमित स्वास्थ्य परीक्षणमा जाँदाका उनको तस्वीरहरु सामाजिक सञ्जालमा भाइरल भइरहन्थे । यसैबीच हालसम्म करीना र सैफले दोस्रो सन्तानको बारेमा केही बोलेका छैनन् ।

करीना आफू गर्भवती हुँदा पनि काममा सक्रिय थिइन् । उनी अस्पताल भर्ना हुने दुई दिन अघिसम्म पनि काममा व्यस्त थिइन् । उनले गर्भावस्थामा नै फिल्म ‘लाल सिंह चड्डा’को सुटिङ पुरा गरेकी थिइन् ।

गर्भावस्थाकै समयमा करीनाले ‘करीना कपूर खानज प्रेग्नेन्सी बाइबल’ नामक पुस्तक लेखेकी छन् । जुन पुस्तकलाई यसै वर्ष सार्वजनिक गरिनेछ ।
–एजेन्सी

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार

ताजा अपडेट