बिहिबार, फाल्गुन १३ २०७७

ट्राफिक चेकिङबाट भाग्न खोज्दा स्कुटरलाई बसले ठक्कर दियो, एक महिलाको मृत्यु


  • नेपालदीप
  • सोमबार, फाल्गुन १० २०७७
969
SHARES

ललितपुर।  जावलाखेलमा ट्राफिक चेकिङमा परेकी स्कुटर चालक महिलाको बसको ठक्करबाट मृत्यु भएको छ ।

सोमबार दिउँसो साढे १ बजे भैंसीपाटी जाँदै गरेको बसले स्कुटरलाई ठक्कर दिएपछि जावलाखेल चोकमा एक महिलाको मृत्यु भएको हो ।

बा २ ख ३५७४ नम्बरको बसले प्र ३-०२-०१० प ५५८९ नम्बरको स्कुटरलाई ठक्कर दिएको प्रहरीले जनाएको छ । स्कुटर चालक अन्दाजी ३३–३४ वर्षीया महिला हुन्। उनको अल्का अस्पतालमा उपचारको क्रममा मृत्यु भएको प्रहरीले जनाएको छ ।

दुर्घटना हुनेबेलामा जावलाखेलमा ट्राफिक प्रहरीले चेकिङ गरिरहेको थियो। चेकिङको क्रममा स्कुटर भाग्न खोज्दा पछाडिबाट बसले ठक्कर दिएको प्रहरीले जनाएको छ ।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार