सोमबार, असार ७ २०७८

कब्जियत निको पार्ने यी हुन् घरेलु उपाय


  • नेपालदीप
  • आइतबार, जेष्ठ १६ २०७८
1.6K
SHARES

कहिलेकाहिँ कब्जियत भए खासै समस्या हुदैँन तर नियमित भइरहेमा यसले अनेकौं समस्या निम्त्याउँछ । यदि महिनौंसम्मे कब्जियत भइरहेमा तुरुन्त चिकित्सकको परामर्श लिनु पर्दछ ।

यस अलावा खानपानमा परिवर्तन गरेमा पनि कब्जियतको समस्या घट्दछ । कब्जीयतको समस्याबाट बच्न कस्ता खानेकुरा खाने त ?

१. प्रशस्त पानी पिउने
मानिसको पाचनप्रणालीले धेरै कुरा शरीरबाट निष्काशन गर्नुपर्ने हुन्छ । यसकालागि शरीमा धेरै मात्रामा पानीको आवश्यकता पर्दछ । यसैको भरपाईकालागि प्रसस्त पानी पिउनु पर्दछ ।

२. नुन तातो पानी
बिहान शौचालय जानु १० मिनेट अगाडी एक गिलास मनतातो पानीमा एक चिम्टी नुन हालेर पिउने र दुई मिनेट हलुका व्यायाम गरेमा यसले पेट सफा गर्न सघाउँछ ।

३. रेशायुक्त खाना बढाउने
नियमित खानामा फाइबार अर्थात रेसायुक्त खाना जस्तै, हरिया सागसब्जी, फलफूल खानु पर्दछ । यसले कब्जियत हुन दिँदैन र पेट सफा रहन्छ ।

४. यस्ता खानेकुरा नखाने
कुनै पनि दुग्धजन्य पदार्थ, माछामासु र तयारी खाना जस्तै चाउचाउ, प्याकेट बन्द खानेकुरा कब्जियत निको नहुन्जेल भरसक नखाने । खाए पनि थोरै मात्रामा खाने ।

५. शारीरिक व्यायाम
पाचनप्रणालीका मांसपेशीलाई सशक्त बनाउँन र राम्रोसँग काम गर्न व्यायाम आवश्यक हुन्छ । तसर्थ दैनिक ३० मिनेट भन्दा बढि व्यायाम गरे कब्जियत निको पार्न सघाउ पुग्दछ ।

 

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार

ताजा अपडेट