बुधबार, मंसिर २२ २०७८

कालीगण्डकी डाइभर्सन योजना सफल हुन नदिने गण्डकीका मुख्यमन्त्री पोखरेलको भनाइ



  • नेपालदीप
  • सोमबार, असार १४ २०७८
4.8K
SHARES

कास्की। गण्डकी प्रदेशका मुख्यमन्त्री कृष्णचन्द्र नेपाली पोखरेलले कालीगण्डकी डाइभर्सन योजना कुनै हालतमा सफल हुन नदिने बताएका छन्। योजना प्रदेशको भावनाविपरीत भएकाले सफल हुन नदिइने उनले बताए।

विश्व हिन्दू महासंघसहित विभिन्न संघसंस्थाका तर्फबाट आइतबार ध्यानाकर्षण पत्र बुझ्दै मुख्यमनत्री पोखरेलले केन्द्र सरकारसँग गरेको आग्रह पालना नगरी प्रदेशको आवाज सुनुवाइ नगरेमा संघषर््ामै उत्रने उनले बताए।
प्राकृतिक स्रोतको बाँडफाँटलाई ख्यालै नगरी संविधान मिच्ने  र संघीयतालाई कमजोर बनाउने खेलका रूपमा यो कार्य रहेको उनको भनाइ थियो।

रुपन्देही र कपिलवस्तुको जमीन सिँचाइ गर्न राप्ती र तिनाउको पानी पर्याप्त रहेको भन्दै उनले कसैको निहित स्वार्थका लागि यो योजना अघि सारिएको दाबी गरे।

डाइभर्सन आयोजनाबारे साझा धारणा बनाएर अघि बढ्न प्रदेश सरकारले सोमबारका लागि सर्वपक्षीय बैठकसमेत डाकेको छ। राजनीतिक दल, जनप्रतिनिधि, उद्योगी व्यवसायी नागरिक समाजका अगुवालाई बैठकमा डाकिएको छ।

अहिले भनेजसरी तिनाउमा पानी मिसाउने हो भने हिउँदका बेलामा देवघाटमा पानी नै नहुने भन्दै उनले योभन्दा पहिला देवघाटलाई बचाएर नवलपुरको जमीनमा सिँचाइ हुने गरी परियोजना निर्माण भए पनि त्यो कार्यान्वयनमा आउन नपाउँदै कालीगण्डकी तिनाउतिर मिसाउन खोजिएको आरोप लगाए। रासस

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार

ताजा अपडेट