बुधबार, मंसिर १५ २०७८

सभाखोलाले भाइटीकाको दिन बगाएर बेपत्ता भएका बालककाे शव भेटियो



  • नेपालदीप
  • शुक्रबार, कार्तिक २६ २०७८
1.2K
SHARES

सङ्खुवासभा। सङ्खुवासभाको सभापोखरी गाउँपालिका–६ बाह्रबिसेमा सभाखोलाले बगाएपछि बेपत्ता भएका ९ वर्षीय बालक ऋतिक विश्वकर्माको शव भेटिएको छ ।

उनकाे शव आज बिहान भेटिएको जिल्ला प्रहरी कार्यालय सङ्खुवासभाले जनाएको छ।

गएको २० गते भाइटीकाको दिन पौडी खेल्न गएका विश्वकर्मालाई खोलाले बगाएर बेपत्ता बनाएको थियो।

बेपत्ता भएको एक हप्तापछि उनको शव बाह्रबिसेभन्दा केही तल रहेको चनौटे दहमा ढुङ्गाको चेपमा अड्किएको अवस्थामा भेटिएको प्रहरीले जनाएको छ।

तिहारको भाइटीकाको दिन बाह्रबिसे नजिकै सभाखोलामा ऋतिक र अर्का आठ वर्षीय बालक विपिन विश्वकर्मा पौडी खेल्न गएका थिए।

खोलाले दुवैलाई बगाएको थियो । विपिनको शव त्यही दिन फेला परे पनि ऋतिककाे शव भेटिएको थिएन । एक हप्तादेखि स्थानीयवासी, आफन्त र प्रहरीले शवको खाेजी गरिरहेकाे थियाे ।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार

ताजा अपडेट