बिहिबार, माघ १३ २०७८

राष्ट्रिय सभा निर्वाचन कार्यतालिका : पुष २० गते उम्मेदवारी दर्ता, माघ १० गते मतदान



  • नेपालदीप
  • मंगलबार, मंसिर २१ २०७८
2.1K
SHARES

काठमाडौं। निर्वाचन आयोगले राष्ट्रिय सभा चुनावको तालिका सार्वजनिक गरेको छ। आयोगका अनुसार माघ १२ गते राष्ट्रियसभा सदस्यको निर्वाचन हुनेछ। निर्वाचन आयोगका सहसचिव एवं प्रवक्ता शालिग्राम शर्मा पौडेलका अनुसार पुस २० गते उम्मेदवारी दर्ताको कार्यक्रम छ।

उनका अनुसार २१ गते उम्मेदवारीमा दाबी विरोधको उजुरी दिने, २२ र २३ गते उजुरीमाथि जाँचबुझ गरी निर्णय गर्ने, २४ गते उम्मेदवारले नाम फिर्ता लिने र २५ गते उम्मेदवारको अन्तिम नामावली प्रकाशन गर्ने कार्यतालिका रहेको छ। आयोगले पुस २५ गते नै उम्मेदवारहरुलाई निर्वाचन चिन्ह प्रदान गर्नेछ।

त्यस्तै माघ १२ गते बिहान ९ बजेदेखि अपराह्न ३ बजेसम्म तोकिएका मतदान केन्द्रमा मतदान हुने आयोगले जनाएको छ। त्यस्तै आयोगले पुस १७ गतेसम्म मतदाता नामावली प्रकाशन गर्नेछ भने सोही दिन मतदाताको विरोधमा उजुरी दिनसक्ने बताइएको छ। पुस १९ गते मतदाताको अन्तिम नामावली प्रकाशन हुनेछ।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार