बिहिबार, माघ १३ २०७८

लिपुलेकबारे भारतीय प्रमको अभिव्यक्ति र नेपाल सरकारको मौनता आपत्तिजनक : विवेकशील



  • नेपालदीप
  • शुक्रबार, पुष ३० २०७८
798
SHARES

काठमाडाै‌। नेपालको भूमि लिपुलेकमा सडक विस्तार गर्ने भारतीय प्रधानमन्त्री नरेन्द्र मोदीको हालैको सार्वजनिक अभिव्यक्तिबारे नेपाल सरकारको अस्वाभाविक एवम् रहस्यमय मौनताप्रति विवेकशील साझा पार्टीले गम्भीर ध्यानाकर्षण भएको बताएको छ।

‘कालापानी, लिपुलेक र लिम्पियाधुरा समेटेर नेपालको नक्सा जारी गरी संविधान संशोधनमार्फत निसान छापमा उक्त नक्सा राखिसकिएको अवस्थामा मोदीको अभिव्यक्ति जति आपत्तिजनक छ, त्यति नै आपत्तिजनक हाम्रो सरकारको मौनता र लाचारी पनि छ।’ पार्टीद्वारा जारी विज्ञप्तिमा उल्लेख छ।

साझाले अहिलेको मौनताले दूरगामी असर गर्ने भन्दै यसको प्रतिवाद गर्न पनि सरकारसँग आग्रह गरेको छ। ‘कूटनीति नि:सन्देह आवेग र उत्तेजनाको विषय हैन। तर अन्तर्राष्ट्रिय कानुन विपरीत नेपालको सार्वभौमिकता र भौगोलिक अखण्डतामाथि लगातार ठाडो हस्तक्षेप गर्ने भारतको मिचाहा प्रवृत्ति पुनरावृत्त हुँदा नेपाल सरकारले समयमै आवश्यक प्रतिवाद गर्न नसक्ने हो भने त्यसका दूरगामी असर मुलुकले भोग्नुपर्ने हुन्छ,’ विज्ञप्तिमा भनिएको छ।

भारतसँग अविलम्ब कुतिनितिक संवाद अघि बढाउन समेत विवेकशीलले आग्रह गरेको छ। विज्ञप्तिमा भनिएको छ, ‘नेपाली भू-भागमा छिमेकीको मनपरी देश प्रेमी कुनै पनि नागरिकलाई स्वीकार्य छैन। नेपाली भूमिमा गरिआएका सबै खाले संरचना निर्माण कार्य तत्काल रोक्नुपर्ने दह्रो अडानसहित भारतसँग अविलम्ब कूटनीतिक संवाद अघि बढाउन विवेकशील साझा पार्टी सरकारलाई आग्रह गर्दछ। ‘

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार