बिहिबार, जेष्ठ ५ २०७९

आज ‘प्रपोज डे’, प्रेम प्रस्ताव राख्नुअघि यी कुरामा ध्यान दिनुहोस्



  • नेपालदीप
  • मंगलबार, माघ २५ २०७८
7.4K
SHARES

काठमाडौं । आज प्रणय सप्ताहको दोस्रो दिन अर्थात ‘प्रपोज डे’ ।

यो दिन प्रेम गर्नेहरूका लागि विशेष दिन हो । आफूले मन पराएको व्यक्तिलाई प्रेम प्रस्ताव राखेर मनको भावना व्यक्त गर्दछन् । फेब्रुअरी ८ लाई प्रपोज डे का रूपमा मनाउने गरिन्छ ।

कतिपयले आफूले मन पराएको व्यक्तिलाई प्रेम प्रस्ताव राख्नका लागि यस दिनको प्रतिक्षामा रहेका हुन्छन् । यस दिन धेरैले आफ्नो जोडीलाई रोमान्टिक डिनरमा लगेरसमेत प्रेस प्रस्ताव राख्ने गर्छन् ।

प्रेम प्रस्ताव राख्नुअघि यी कुरामा ध्यान दिनुस्
प्रेम प्रस्ताव राख्ने व्यक्तिको बारेमा सबैकुरा जान्नुपर्ने हुन्छ । आफ्नो भावनालाई व्यक्त गर्नुअघि उसको बारेमा सबैकुरा जान्नु आवश्यक छ ।

आफूले प्रेम गरेको व्यक्तिको भावना बुझेर मात्रै प्रेम प्रस्ताव राख्नुपर्दछ । यो बाहेक उसको परिवार र साथीका बारेमा पनि जान्न जरुरी छ ।

आफूले प्रस्ताव राख्न लागेको व्यक्ति सिंगल छ वा छैन जान्नुपर्दछ । यदि उ पहिला नै अरुसँग सम्बन्धमा छ भने प्रस्तावले तपाईंहरूको सम्बन्धमा खटपट आउन सक्छ ।

कसैलाई आफ्नो भावना व्यक्त गर्नुअघि उसँग साथी बन्न आवश्यक हुन्छ । एकैचोटी कसैलाई प्रेम प्रस्ताव राख्नुभन्दा साथी बनेर प्रेम प्रस्ताव राख्दा सहज र सजिलो हुन्छ ।

आफूले प्रेम प्रस्ताव राख्ने व्यक्तिको भावनाको सम्मान गर्नु जरुरी हुन्छ । यदि तपाईंलाई उसले अस्वीकार गर्छ भने त्यसलाई सहर्ष स्वीकार गर्ने क्षमता हुनुपर्दछ ।

कुनैपनि व्यक्तिलाई आफूसँग प्रेममा रहन जबरजस्ती गर्नुहुँदैन । यदि त्यो व्यक्तिले तपाईंलाई प्रेम गर्दैन भने उसको भावनाको कदर गर्नुपर्दछ ।

विशेषगरी महिलाहरूलाई राम्रो व्यवहार गर्नुपर्दछ । महिलाहरू आफूलाई प्रेम गर्ने व्यक्तिले सम्मान र साथको आशा गर्छन् । त्यसैले प्रेम प्रस्ताव राख्नुअघि यस्ता कुरामा ध्यान दिनुपर्दछ ।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार

ताजा अपडेट