बिहिबार, जेष्ठ ५ २०७९

रहेनन् साहित्यकार तारानाथ शर्मा



  • नेपालदीप
  • मंगलबार, फाल्गुन ३ २०७८
5.8K
SHARES

काठमाडौं। लेखक तथा साहित्यकार तारानाथ शर्माको निधन भएको छ। मंगलबार बिहान आफ्नै निवासमा शर्माको निधन भएको हो ।

उनी १९९१ असार ९ गते निर्जला एकादशीको दिन जन्मिएका थिए। उनका निकटका ज्योतिष राजकुमार सुवेदीका अनुसार उनको आजै पशुपति आर्यघाटमा अन्त्यष्टि हुनेछ।

लेखनमा शोखिन शर्मा अस्वस्थताका कारण विगत एक वर्षदेखि लेखनमा सक्रिय थिएनन्। पारिवारिक सदस्यका अनुसार उनी बेला-बेलामा बिर्सने र मान्छे नचिन्ने अवस्थामा पुगेका थिए।

एम. ए (अङ्ग्रेजी साहित्य), पी. एच. डी.(भाषा विज्ञान) गरेका उनले मदन पुरस्कार, साझा पुरस्कारबाट सम्मान पाएका थिए। ‘बेलाईततिर बरालिँदा’ले २०२६ सालमा मदन पुरस्कार पाएको थियो। शर्माले ‘सम र समका कृति’का लागि २०२९ सालमा साझा पुरस्कार पाए। २०२३ सालमा रत्नश्री स्वर्णपदक र २०३९ सालमा सर्वश्रेष्ठ पाठ्यपुस्तक लेखन पुरस्कार पाउन सफल भएका थिए।

शर्माको पहिलो सिर्जना निबन्ध हो, २००८ सालमा थिओडर मेननको सम्पादनमा दार्जिलिङबाट निस्कने ‘साथी’ साप्ताहिक पत्रिकामा ‘इलाम’ शीर्षकमा छापिएको थियो। खर्साङ छँदा ‘आह्वान’ हस्तलिखित पत्रिका निकाले।‘हिमध्वनि’ भन्ने पत्रिकाको सम्पादन गरे। उनको प्रकाशितमध्ये अन्तिम कृति ‘चरी भरर’ निबन्ध सङ्ग्रह हो। उनको थर भण्डारी भएपनि बनारसमा पढ्न गएपछि नाममा शर्मा लेख्न थालेका थिए।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार

ताजा अपडेट