सोमबार, साउन ३० २०७९

आगामी तीन दिन देशभर वर्षा हुने



  • नेपालदीप
  • मंगलबार, असार १४ २०७९
1.1K
SHARES

काठमाडौं । आज मंगलबारदेखि मनसुन थप सक्रिय भएर तीन दिनसम्म देशभर वर्षा हुने जल तथा मौसम विज्ञान विभागले जनाएको छ ।

प्रदेश–१, मधेस प्रदेश, बागमती प्रदेश, गण्डकी प्रदेश, लुम्बिनी प्रदेशका केही र सुदूरपश्चिम प्रदेशका एक दुई स्थानमा ठूलो वर्षाको सम्भावना रहेको पनि विभागले जनाएको छ ।

पूर्वी नेपालमा सोमबार रातिदेखि नै वर्षा हुने क्रम सुरु भएको छ भने उपत्यकामा पनि मंगलबार बिहानैदेखि वर्षा भईरहेको छ ।

मंगलबार राति पनि देशभर हल्कादेखि मध्यम वर्षाको सम्भावना रहेको तथा प्रदेश नं १, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका केही स्थानमा ठूलो वर्षा हुनसक्ने विभागले जनाएको छ ।

यस्तै, कर्णाली र सुदूर पश्चिम प्रदेशका एक–दुई स्थानमा पनि ठूलो वर्षाको सम्भावना रहेको छ । भारी वर्षाका कारण पहिरो, भू–क्षय तथा उच्च बहावको सम्भावना रहेकाले सतर्कता अपनाउन पनि विभागले सचेत गराएको छ ।

बुधबार पनि देशभर सामान्यदेखि पूर्ण बदली रहनेछ भने आगामी बिहीबार पनि देशभर हल्कादेखि भारी ठूलो वर्षाको सम्भावना रहेको विभागको भनाई छ ।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार