शुक्रबार, असोज २१ २०७९

प्रहरीको गाडी दुर्घटना हुँदा दुई डिएसपीसहित पाँच जना घाइते



  • नेपालदीप
  • शनिबार, साउन २८ २०७९
2.1K
SHARES

रुकुम (पूर्व) । रुकुम (पूर्व) मा नेपाल प्रहरीको गाडी पल्टिँदा दुई प्रहरी नायब उपरीक्षकसहित पाँचजना घाइते भएका छन्।

घाइते हुनेमा नेपाल प्रहरीका प्रहरी नायब उपरीक्षक प्रकाश डाँगी र सशस्त्र प्रहरीका प्रहरी नायव उपरीक्षक रविन्द्र श्रेष्ठसहित अन्य सुरक्षाकर्मी रहेका छन्।

सदरमुकाम रुकुमकोटबाट पुथा उत्तरगङ्गा गाउँपालिकाको तकसेरा जाने क्रममा प्रहरीको गाडी पुथा उत्तरगङ्गा गाउँपालिका–११ तल्लो सेरामा दुर्घटनामा परेको हो।

गाडी सडकबाट झण्डै एक सय मिटर तल खसेको गाउँपालिकाका प्रवक्ता एवम् वडा नं. ५ का वडाध्यक्ष टिकासाई घर्तीले जानकारी दिए।

घाइतेको उद्धारका लागि हेलिकप्टर मगाइएको छ। सदरमुकामबाट प्रहरी टोली घटनास्थलतर्फ गएको जिल्ला प्रहरी कार्यालयका सूचना अधिकारी एवम् प्रहरी निरीक्षक कृष्ण खत्रीले जानकारी दिए।

नेपालदीपमा प्रकाशित सामग्रीबारे तपाईको गुनासो, सुझाव तथा सुचना भए हामीलाई [email protected] मा पठाउनु होला ।

प्रतिक्रिया
सम्बन्धित समाचार