पूर्वआइजिपी ध्रुवबहादुर प्रधानले जित्दा यि चर्चित प्रहरी अधिकारी खाली हात

चुनावी दौडमा लागेका सुरक्षा निकायका उच्च पदबाट अवकाश पाएका चर्चित प्रहरी अधिकारीहरूमा पूर्वआइजिपी ध्रुवबहादुर प्रधानले मात्र जित हासिल गर्न सफल भएका छन। पूर्वप्रहरी महानिरीक्षकसहितका चर्चित प्रहरी अधिकारीहरु चुनावी दौडमा थिए ।
पश्चिम नवलपरासी २ मा उम्मेदवारी दर्ता गरेका पूर्वआइजिपी ध्रुवबहादुर प्रधानले करिब २० वर्ष सक्रिय राजनीति गर्दा बल्ल संसद्मा पुग्ने भएकाछन। नवलपरासी पश्चिम- २ मा राप्रपा उम्मेदवार ध्रुवबहादुर प्रधान विजयी भएका छन्। उनले कांग्रेस उम्मेदवार देवेन्द्रराज कँडेललाई पराजित गरेका हुन्।

चर्चित पूर्वप्रहरी अधिकारी रमेश खरेल काठमाडौं– १ बाट प्रतिनिधिसभा सदस्यका लागि उम्मेदवारी दिएर पराजित भएका छन्। उनले सुशासन पार्टी नेपाल नामको पार्टीनै खोलेर त्यसको अध्यक्षसमेत बने । राजनीतिमा अपराधीकरण र माफियाकरण बढेकाले टुलुटुलु हेरेर बस्न नसकी आफू राजनीतिमा आएको खरेल बताउँछन् ।

चर्चित प्रहरी महानिरीक्षक सर्वेन्द्र खनाल पदबाट अवकाश प्राप्त भएपछि नेकपा (एमाले)बाट चुनाव लड्दै छन् । गत महिना मात्र एमाले प्रवेश गरेका उनले काठमाडौं– ६ बाट प्रतिनिधिसभा सदस्यका लागि प्रतिस्पर्धा गरेर परजित भए।

त्यस्तै पूर्वडिआइजी नवराज सिलवाल त सक्रिय राजनीतिमा आएको धेरै भैसकेकोछ। ०७४ मा प्रहरी सेवाबाट राजीनामा दिएर एमालेबाट राजनीति गरेका उनले ललितपुर– १ बाट चुनाव जिते र यो वर्ष पनि सोही क्षेत्रबाट चुनावी प्रतिस्पर्धामा उत्रिएका थिए र पराजित भएका छन्।

सशस्त्र प्रहरीका पूर्वएआइजी ठाकुरमोहन श्रेष्ठ राप्रपाबाट काठमाडौं– ४ मा उनी राप्रपाको उम्मेदवारका रूपमा प्रतिस्पर्धामा होमिएका हुन् ।